Asllani i mahnit të gjithë, shënon sërish me ekipin e ri

Fisnik Asllani ka gjetur sërish rrugën e rrjetës te Hoffenheim në Bundesligën gjermane.

Sulmuesi i Kosovës shënoi golin e dytë ndaj Union Berlin në transfertë.

Pas një asisti të marrë nga Lemperle, Asllani nuk fali duke e ndalur topin në rrjetë.

Ky është goli i dytë sezonal për sulmuesin e Kosovës, pas atij ndaj Leverkusen në javën e parë.

Kujtojmë se Asllani u rikthye këtë sezon te Hoffenheim në Bundesligë, pasi shkëlqeu edicionin e kaluar në kategorinë e dytë.