Bayern Munich është shpallur zyrtarisht kampion i Gjermanisë për sezonin 2025-2026 pas fitores ndaj Stuttgart me rezultatin 4-2.
Ky sukses u konfirmua matematikisht katër javë përpara përfundimit të kampionatit, i ndihmuar edhe nga humbja e Borussia Dortmund ndaj Hoffenheim.
Skuadra e drejtuar nga Vincent Kompany kryeson tabelën me 79 pikë, duke krijuar një distancë prej 15 pikësh nga ndjekësit më të afërt.
Ky është titulli i 35-të në historinë e klubit dhe i 13-ti në 14 vitet e fundit, duke dëshmuar dominimin absolut në Bundesligë. Për teknikun belg ky është trofeu i dytë radhazi si kampion i Gjermanisë në krye të bavarezëve.
Tashmë vëmendja e klubit zhvendoset te sfidat vendimtare kundër Bayer Leverkusen në Kupë dhe ndaj Paris Saint-Germain në gjysmëfinalen e Champions League.
