Arsenali ka zhgënjyer sërish. “Topçinjtë” u mposhtën 2-1 në transfertë nga Manchester City, në duelin e javës së 33-të në Premier League.
Supersfida e kampionatit anglez, nisi që në start me spektakël. Cherki i dha avantazhin vendasve në minutën e 16-të.
Megjithatë, vetëm dy minuta më vonë Havertz barazoi shifrat pas një gafe nga Donnarumma.
Pjesa e parë u mbyll me këtë rezultat, ndërsa e dyta nisi me “qytetarët” më kërkues. Haaland riktheu avantazhin në minutën e 65-të, me rezultatin që nuk ndryshoi deri në fund.
Me këtë fitore, Manchester City ngushton diferencën në 3 pikë me Arsenalin kryesues. Megjithatë, skuadra e Guardiolës, ka një ndeshje më shumë për të zhvilluar dhe në rast barazimi pikësh në fund, merr titullin, për shkak të fitores në ndeshjen direkte. Takimi i parë mes dy ekipeve u mbyll në barazim 1-1.
