Fitorja 3-1 e Bayern Munich ndaj Leipzig në ndeshjen miqësore u shoqërua nga momente paniku pas rrëzimit të papritur të Jamal Musiala në fushë.
Mesfushori mori ndihmën e menjëhershme nga shoku i skuadrës Saibari dhe më pas nga stafi mjekësor, i cili ndërhyri për të stabilizuar gjendjen e tij.
Pas takimit, mediat gjermane raportuan se lojtari pësoi marramendje dhe probleme të përkohshme me qarkullimin e gjakut për shkak të temperaturave të larta.
Drejtori sportiv Max Eberl qetësoi ambientin bavarez duke konfirmuar se gjendja shëndetësore e futbollistit është e mirë. Si masë paraprake, Musiala nuk do të grumbullohet për miqësoren e ardhshme, por do t’i bashkohet stërvitjes pas pak ditësh.
Klubi gjerman pret rikthimin e tij të plotë në grupin e lojtarëve përpara fillimit të edicionit zyrtar.
/CNA
