Torino arriti një fitore surprizë ndaj Napolit, duke triumfuar 1-0 dhe duke regjistruar vetëm suksesin e dytë në këtë sezon.
Kampionët e Italisë pësuan humbjen e dytë në tre ndeshjet e fundit dhe të dytën ndaj Torinos në 21 përballjet e fundit.
Goli i vetëm i takimit u shënua në minutën e 32-të nga Giovanni Simeone, i cili përfitoi nga një top në zonë. Napoli pati më shumë zotërim topi, por nuk arriti të finalizojë rastet, me Eljif Elmas dhe Matteo Politano që humbën mundësi të mira në fund.
Në shtesë, Politano goditi shtyllën dhe Noa Lang shënoi, por VAR e anuloi për pozicion jashtë loje. Torino, ku luajnë edhe Ismajli me Asllanin, regjistroi kështu fitoren e parë në shtëpi për këtë sezon, ndërsa Napoli pësoi humbjen e tretë radhazi në transfertë.
