Mateo Çipi është larguar zyrtarisht nga Partizani, pasi nuk ishte më në planet e stafit teknik.
Skuadra e Orikut në Kategorinë e Parë shihet si destinacioni më i mundshëm për të ardhmen e mbrojtësit. Për 22-vjeçarin, ky kalim do të shënonte përvojën e tretë në futbollin shqiptar, pas periudhave të kaluara te Flamurtari dhe Partizani.
Qendërmbrojtësi u afrua te të kuqtë në janarin e vitit 2025, por arriti të regjistrojë vetëm dy paraqitje zyrtare. Ndeshja e tij e dytë u shoqërua me fat të keq, pasi në tetor pësoi një dëmtim të rëndë që e la jashtë fushave.
Pasi kreu fazën përgatitore me kryeqytetasit, lojtari ndodhet tashmë plotësisht i rikuperuar dhe gati për sfidën e radhës.
Çipi i shtohet listës prej 15 futbollistësh që janë larguar nga Partizani pas përfundimit të edicionit të kaluar.
