“Çmenduri” për Kombëtaren shqiptare, 100 mijë kërkesa për biletë

Shqipëria do të përballet me Anglinë më 16 nëntor në stadiumin “Air Albania”. Kjo ndeshje mund të jetë vendimtare për kuqezinjtë, për të siguruar një vend në “play off” për Botërorin.

Interesi për këtë ndeshje është shumë i lartë, pasi brenda tre ditëve nga hapja e aplikimeve për bileta janë regjistruar mbi 100 mijë kërkesa.

Stadiumi ka një kapacitet prej 22,500 vendesh dhe shpërndarja e biletave bëhet vetëm online, përmes një sistemi përzgjedhjeje rastësore.

Në renditjen e Grupit K, Anglia kryeson me 18 pikë, e ndjekur nga Shqipëria me 11 dhe Serbia me 10 pikë. Ndeshja kundër Anglisë mund të jetë vendimtare për sigurimin e një vendi në fazën e play-off.