Partizani duket se ka zgjedhur trajnerin e ri. Sipas raportimeve të fundit, thuhet se të kuqtë kanë rënë dakord me Paolo Tramezzanin.
Emri i tij është mjaft i njohur për opinionin sportiv në Shqipëri, duke marrë parasysh eksperiencën e tij të mëparshme si ndihmësi i Gianni De Biasit në stolin e kombëtares kuqezi, ku mori pjesë dhe në Euro 2016.
Drejtuesit e klubit kryeqytetas besojnë se Tramezzani do të sjellë një mentalitet fitues dhe përvojë ndërkombëtare në radhët e të kuqve.
Ky emërim do të shënonte fillimin e një kapitulli të ri për skuadrën, e cila ka si objektiv kryesor rikthimin në majat e futbollit shqiptar dhe pasjen e një ecurie si protagoniste në turnetë europianë.
Mbetet të shihet nëse është i vërtetë si raportim apo thjeshtë një thashethem vere.
