Lionel Messi është shumë pranë një rikthimi te klubi ku nisi karrierën, Newell’s Old Boys në Argjentinë.
Sipas raportimeve të “TuttoMercatoWeb”, presidenti i ri i klubit, Ignacio Boero, ka arritur një marrëveshje në parim me futbollistin për vitin 2027.
Plani parashikon një huazim gjashtëmujor nga janari deri në qershor të 2027. Pas përfundimit të huazimit, Messi do të rikthehej te Inter Miami për të mbyllur kontratën që skadon në vitin 2028.
Pengesa kryesore lidhet me çështjet e sigurisë në qytetin e Rosarios. Për këtë arsye, drejtuesit e klubit kanë nisur bisedime me autoritetet shtetërore.
Viti 2027 mund të shënojë rikthimin e Messit me fanellën e Newell’s Old Boys pas përfundimit të Botërorit me Argjentinën.
