Mirlind Daku ka shënuar 4 gola dhe ka dhënë 1 asist në 4 javët e para të kampionatit rus me Rubin Kazan.
Sulmuesi i Kombëtares shqiptare këtë verë rinovoi kontratën me klubin deri në verën e vitit 2029, por mund të ndryshojë ekip. Sipas “Telegrafi.com”, Fiorentina ka nisur kontaktet për transferimin e tij.
Përfaqësues të klubit italian janë takuar me agjentin e lojtarit, Shkumbin Qorrmemeti. Janë zhvilluar gjithashtu bisedime mes Fiorentinës dhe Rubin Kazan. Ky interes lidhet me mundësinë e largimit të Moise Kean drejt Arabisë Saudite.
Në këtë kuadër, Fiorentina është e gatshme të ofrojë deri në 20 milionë euro për kartonin e Dakut.
