Arda Kurtulan ka refuzuar ftesën e Kombëtares shqiptare sipas asaj që raportohet nga Turqia. Arsyeja lidhet me faktin se 22-vjeçari do të konsiderohej lojtar i huaj në Superligën turke, gjë që do të kufizonte klubin e tij, Goztepe.
Lajmi është bërë i ditur nga gazetari turk Jagiz Sabunkuglu, i cili thekson se mesfushori është në pritje të një ftesë të mundshme nga Turqia. Kurtulan më herët kishte lënë Maqedoninë për të zgjedhur Shqipërinë U-21. Megjithatë, ftesa për ekipin e parë nga trajneri Silvinjo nuk erdhi gjatë vitit të fundit.
Ai u dallua në kampionatin turk me Adana Demirspor, para se të transferohej te Goztepe. Karriera e tij është zhvilluar e gjitha në Turqi. I lindur në Stamboll, lojtari duket se synon të ndryshojë sërish përfaqësuesen që do të përfaqësojë.
