Carlos Garcia, i cili la pas një përvojë zhgënjyese te Flamurtari në fillim të sezonit, po përjeton një ringritje të rëndësishme në karrierën e tij te gjigantët holandezë të Ajaxit.
Spanjolli, i cili u shkarkua nga vlonjatët pas vetëm dy pikëve në gjashtë javët e para, u transferua në Amsterdam në muajin shkurt.
Fillimisht ai nisi punën si ndihmëstrajner te ekipi U-21, por tashmë është promovuar në ekipin e parë, ku asiston teknikun Oskar Garsia.
Për 42-vjeçarin, kjo eksperiencë në Holandë ka tejkaluar çdo pritshmëri, duke vlerësuar lart ambientin profesional dhe talentin e lojtarëve të rinj.
Garsia theksoi se besimi i drejtorit sportiv, Jordi Cruyf, ishte kyç në këtë lëvizje, pasi ai beson te aftësitë e spanjollit për zhvillimin e elementëve të rinj drejt ekipit të parë. Ish-trajneri i kuqezinjve u shpreh mjaft i lumtur për këtë kapitull të ri, duke e cilësuar Ajax si një klub me ndjenjë të fortë identiteti.
Pas dështimit në Vlorë, Garsia duket se ka gjetur terrenin e duhur për të treguar vlerat e tij në një nga akademitë më prestigjioze në botë.
