Rudi Vata ka lënë të hapur mundësinë, që djali i tij Roco Vata të luajë për Shqipërinë, ndonëse u aktivua në një ndeshje me Irlandën.
“Rocco ka zgjedhur Irlandën, por nuk ka mbaruar asgjë, pasi e ka ende mundësime që të bëjë një zgjedhje tjetër, nëse dëshiron. Ka një klauzolë që duhet të luajë edhe 2 ndeshje zyrtare. A do e shihja pjesë të skuadrës së Silvinjos? Mendoj se do kishte qenë një alternativë e mirë”, tha ish-kapiteni i Shqipërisë, Rudi Vata, për RTSH Sport.
Arsyeja pse Rocco ka ende mundësi të luajë për Shqipërinë?
Çdo futbollist ka të drejtë të ndryshojë kombëtaren, nëse ka luajtur më pak se 3 ndeshje me skuadrën e parë përfaqësuese të zgjedhjes së parë, nëse i ka luajtur këto sfida nën 21 vjeç.
Rocco Vata numëron vetëm një ndeshje me Irlandën, ndaj Bullgarisë në Ligën e Kombeve, kur ishte 19 vjeç. Nëse Rocco luan dhe 2 ndeshje të tjera zyrtare, nuk ka të drejtë të ndryshojë më Kombëtare, në të kundërt, PO, mund të luajë për Shqipërinë.
