Federata Shqiptare e Futbollit ka nisur kontaktet me mbrojtësin e Shkëndijës së Tetovës, Anes Meliqi, për ta afruar pranë kombëtares kuqezi, raporton Infosport.mk.
Qendërmbrojtësi 20-vjeçar nga Shkupi ka qenë pjesë e të gjitha grupmoshave të përfaqësueses së Maqedonisë së Veriut, ku me ekipin U-21 numëron 14 paraqitje dhe një gol të shënuar.
Duke qenë se futbollisti nuk ka debutuar ende me kombëtaren e parë të Maqedonisë së Veriut, rregullorja i lejon atij ndryshimin e përfaqësueses pa asnjë pengesë burokratike.
Përmes kësaj lëvizjeje, stafi teknik i kombëtares shqiptare synon të afrojë një tjetër element me perspektivë për repartin e mbrojtjes.
Përgjigja e Meliqit ndaj ftesës pritet të sqarojë të ardhmen e tij ndërkombëtare në vazhdim.
