Cagliari po shqyrton mundësinë e transferimit të Myrto Uzunit gjatë merkatos së janarit.
Sulmuesi shqiptar ka përfunduar sezonin në Shtetet e Bashkuara të Amerikës dhe ekziston opsioni që ai të huazohet në Serie A.
Mësohet se ka interes për futbollistin nga Berati. Gjithashtu, janë raportuar kontakte të para mes palëve. Deri në këtë fazë nuk ka një marrëveshje konkrete, pasi bisedimet janë ende paraprake.
Vendimi përfundimtar pritet të varet nga zhvillimet e merkatos dhe kushtet e huazimit. Në rast transferimi, Uzuni do të jetë aktiv në kampionatin italian para ndeshjeve të muajit mars, ku Shqipëria përballet me Poloninë.
