Klubi i Kukësit ka zgjedhur trajnerin e ri që do të marrë drejtimin e skuadrës për pjesën e mbetur të këtij sezoni.
Bledi Kadiu është zgjedhur nga drejtuesit verilindorë për të udhëhequr ekipin, duke u zhvendosur nga klubi i Luzit 2008 ku ushtroi detyrën gjatë fazës së parë.
Paralelisht me ndryshimet në stol, Kukësi ka pësuar edhe një lëvizje në organikën e lojtarëve. Mesfushori 24-vjeçar, Okseold Sefa, ka mbyllur bashkëpunimin me verilindorët për t’u rikthyer te skuadra e Vorës.
Sefa, i cili iu bashkua Kukësit një vit më parë, zhvilloi 19 ndeshje gjatë kësaj periudhe, duke shënuar një gol dhe dhuruar dy asiste. Tashmë lojtari do të vihet nën urdhrat e trajnerit Arjan Bellaj te skuadra ku nisi karrierën e tij profesionale.
