Mario Mitaj vazhdon të përballet me probleme te skuadra e Al Ittihad, pas vendimeve të fundit të trajnerit Sergio Conceicao.
Edhe pse mbrojtësi shqiptar u rikthye si titullar në ndeshjen ndaj Al-Qadsiah më 22 janar, ai u la sërish jashtë skuadrës për sfidën e radhës kundër Al-Okhdood.
Ky ishte rasti i pestë në gjashtë ndeshjet e fundit që Mitaj nuk u grumbullua fare me ekipin, duke e ndjekur takimin nga tribunat.
Tekniku portugez e ka justifikuar këtë zgjedhje me limitin e lojtarëve të huaj në kampionatin saudit, megjithatë mospërfshirja e shqiptarit në listë ka shtuar zërat për një largim të mundshëm në ditët e fundit të janarit.
Për 22-vjeçarin raportohet interes nga klube europiane, përfshirë një ofertë prej 5 milionë eurosh, ndërsa situata mbetet e paqartë deri në mbylljen zyrtare të afatit kalimtar.
