Armando Broja luajti ndeshjen e parë si titullar në Premier League, me fanellën e Burnley.
Ai u aktivizua nga fillimi, në humbjen 2-1 ndaj Newcastle. Shqiptari nuk arriti të lërë shenjë, ndërsa sikur të mos mjaftonte kjo, e ndoqi edhe fati i keq.
Broja u zëvendësua në minutën e 86-të, për t’i lënë vendin Flemming. Ky i fundit, u bë protagonist me gol në shtesë, pasi shënoi nga penalltia.
Kjo bën që lojtari i futur nga stoli në vendin e Brojës, të marrë më shumë kredite, ndonëse pak minuta ishte në fushë.
