Kastrioti po kalon një situatë të ndërlikuar përpara startit të kampionatit të ri në Kategorinë e Parë. Skuadra krutane luan sot në transfertë ndaj Burrelit me vetëm 15 lojtarë gjithsej në dispozicion.
Gjendja për trajnerin Ramadan Ndreu është alarmante sepse ka në stol vetëm katër lojtarë dhe asnjë portier i dytë. I gjithë grupi i grumbulluar përbëhet nga futbollistë të mbetur nga edicionet e kaluara.
Kjo krizë erdhi mbasi FSHF ndaloi regjistrimin e afrimeve të verës për shkak të merkatos së bllokuar nga FIFA. Mungesa e alternativave pritet të ndikojë drejtpërdrejt në menaxhimin e lojës nga stafi teknik.
Formacioni i Kastriotit: Jaupllari; Gjinollari, Hoxha, Kapllani, Idris, Xhixho, Hasa, Meqja, Oliver Thomas, Meca, Boci
Në stol: Halilaj, Farruku, Kasmollari, Hodo
