Tirana po kalon një periudhë të vështirë në FIFA. Së fundmi është zyrtarizuar gjyqi i pestë i humbur, pikërisht për detyrime të prapambetura.
Bëhet fjalë për një gjyq të humbur më 30 tetor. Kështu vetëm në tetor janë katër të tilla, ndërsa një tjetër daton në shtator.
Bardheblutë duhet të paguajnë për të mbyllur pesë çështjet e humbura. Vetëm në këtë mënyrë më pas mund të federojnë lojtarë në merkaton e dimrit, përndryshe duhet ta mbyllin sezonin me të njëjtin kontigjent.
Tirana mban vendin e pestë në renditje. Pas 10 javëve të luajtura janë 12 pikë të regjistruara nga kryeqytetasit.
