Orlando Koja nuk është më trajner i Dinamos në volejbollin e vajzave. “Top Channel” raporton se për shkak të rezultateve jo të mira në ndeshjet e fundit, klubi vendosi të ndajë rrugët me të.
Gjithçka erdhi pas një bisede të zhvilluar mes drejtuesve të Dinamos dhe trajnerit duke vendosur përfundimisht për largimin e këtij të fundit. Në rezultatet negative të skuadrës të regjistruara këto kohë ka ndikuar edhe situata e krijuar me vojelbollisten braziliane Nayara Ferreira.
Orlando Koja do të zëvendësohet përkohësisht në postin e tij, nga zëvendëstrajneri Kliton Dodaj me këtë të fundit që do të ndihmohet nga Naim Limanaj.
