Egnatia ka nisur përforcimet, jo vetëm në grupin e lojtarëve, por edhe në stafin teknik.
Klubi rrogozhinas ka nisur përgatitjet për ndeshjet e Europës dhe menjëherë në sy ka rënë afrimi i Artan Karapicit në rolin e ndihmëstrajnerit të Nevil Dedes.
Karapici ka qenë prej vitesh bashkëpunëtor i ngushtë i Orges Shehit, duke e shoqëruar atë në çdo skuadër ku ka drejtuar.
Së fundmi, Karapici ishte pjesë e stafit të Shehit te Tirana.
Megjithatë, këtë herë ai nuk ka zgjedhur të ndjekë Shehin te Prishtina, por i është bashkuar projektit të Nevil Dedes te kampionët e Egnatias.
