Klubi i Egnatias po dominon merkaton e verës në Superiore, duke u konfirmuar si skuadra më aktive dhe ambicioze e momentit.
Pas zyrtarizimit të afrimeve cilësore, sulmuesit Jurguens Montenegro dhe mbrojtësve Alesandro Kacbufi e Geralb Smajli, rrogozhinasit janë gati për goditje të tjera të mëdha.
Objektivi i radhës është fantazisti i Elbasanit, Karim Loukili, i cili po nxiton të mbyllë aventurën me verdheblutë për t’u veshur bardhejeshil. Krahas tij, shumë pranë firmës me kampionët është edhe mbrojtësi lituanes Sigitas Olberkis.
Këto lëvizje, së bashku me afrimet e konfirmuara tashmë në prapavijë si Eneo Bitri dhe Andrej Jago, tregojnë qartë se Egnatia po ndërton një skuadër të frikshme jo vetëm për të mbrojtur titullin, por edhe për t’u përfaqësuar denjësisht në Europë.
