Zvicra e nisi Botërorin me zhgënjim. Helvetët barazuan 1-1 ndaj Katarit, në ndeshjen e grupit B.
Ndeshja u zhbllokua nga një gol i shënuar nga Embolo me penallti në minutën e 17-të. Xhaka me shokë kishin edhe disa raste të tjera, por nuk i shfrytëzuan.
Në krahun tjetër, edhe Katari iu afrua disa herë barazimit, por gaboi në metrat e fundit.
Goli i barazimit erdhi në shtesë. Khoukhi fitoi një duel ajror në zonë dhe e ndali topin në rrjetë me kokë.
Ky barazim i lë të gjitha skuadrat në kuotën e 1 pike. Ndeshja e radhës për Zvicrën do të jetë ndaj Bosnjës, ndërsa Katari sfidon Kanadanë.
