Elbasani po kalon një situatë sa të pazakontë, aq edhe sfiduese përpara ndeshjes së radhës në transfertë kundër Vorës në Superiore. Edhe pse verdheblutë mbajnë kreun me dy pikë avantazh ndaj Vllaznisë, trajneri Ivan Gvozdenoviç është i detyruar të bëjë llogaritë me një emergjencë totale në formacion, sidomos në repartin e prapavijës dhe në portë.
Mungesa më alarmante është ajo e portierit Klevi Totoshi, i cili u ndëshkua me karton të verdhë në fitoren ndaj Vllaznisë, duke plotësuar numrin e tyre. Me Martin Janaçek ende të dëmtuar, Elbasani pritet t’i besojë debutuesve.
Opsionet janë Redon Gega, i cili vjen nga një mungesë në ndeshjen e fundit, ose 20-vjeçari ganez Jagri Samsiano Npoandan. Ky i fundit, pjesë e ekipit U-19, mund të shndërrohet nga alternativa e fundit në titullar për sfidën e 2 majit.
Përveç portës, Gvozdenoviç duhet të zëvendësojë edhe dy shtylla të mbrojtjes, Olberkis dhe Azemoviç, të cilët gjithashtu janë të pezulluar për shkak kartonësh.
![asat mala]](https://vetemsport.com/wp-content/uploads/2026/06/asat-mala-768x508.png)
