Trajneri Scott Parker ka komentuar mbi gjendjen e sulmuesit shqiptar Armando Broja, i cili së fundmi është transferuar te Burnley.
Tekniku i anglezëve tha se lojtari ka nevojë për kohë për të marrë minuta në ekipin e parë.
Aktualisht nuk ka një datë të përcaktuar për rikthimin e tij në fushë.
Dëmtimet e shpeshta dhe mungesa e minutave te Everton dhe Chelsea kanë ndikuar në situatën e tij aktuale.
“Ai duket mirë. Ai u stërvit dje për herë të parë dhe ishte vetëm një stërvitje e lehtë. Ndërsa sot është stërvitur pak vetëm. Megjithatë, duket në formë fizike, duket mirë”, deklaroi Parker.
Sipas tij, Brojës i duhet pak kohë për të arritur ritmin e duhur, pasi nuk ka bërë shumë stërvitje gjatë fazës përgatitore.
“Ne nuk duam ta vendosim në një pozitë ku të jetë i cenuar apo të rrezikojë ndonjë gjë këtu”, shtoi trajneri.
Në ndeshjet e ardhshme, Broja pritet të jetë ende në stol derisa të rikuperohet plotësisht.
