Federata e Futbollit të Maqedonisë së Veriut ka dhënë një dënim të rëndë ndaj skuadrës së Shkëndijës së Tetovës.
Komisioni Disiplinor i ka faturuar klubit shqiptar një gjobë prej 105 mijë eurosh për shkak të incidenteve në finalen e Kupës kundër Sileksit.
Ky ndëshkim përfshin gjobat për përdorimin e mjeteve piroteknike, thirrjet nacionaliste dhe shfaqjen e një pankarte me përmbajtje naziste.
Gjithashtu, klubi tetovar është përjashtuar nga edicioni i ardhshëm i Kupës së Maqedonisë për shkak të refuzimit të medaljeve në ceremoninë zyrtare.
Një tjetër penalitet prej 30 mijë eurosh dhe katër ndeshje pa tifozë u dha për fishkëllimin e himnit shtetëror gjatë aktivitetit.
Të gjitha këto masa erdhën si pasojë e sjelljeve të konsideruara si diskriminuese dhe mungesë respekti ndaj zyrtarëve të ndeshjes.
