Kombëtaret mbyllën ndeshjet e fundit për Botërorin, ku disa arritën objektivin dhe të tjera mbetën jashtë.
Ndeshjet e së martës dhanë verdiktet përfundimtare, por ndikim pati edhe zhvillimi i miqësoreve në renditjen e FIFA-s.
Shqipëria zbriti një vend dhe tani renditet e 64-ta me 1388.06 pikë, duke humbur 3.58 pikë. Kosova u ngjit në vendin e 78 me 1318.83 pikë, pavarësisht humbjes në finalen e “play-off”-it ndaj Turqisë, duke humbur 6.60 pikë. Ky është vendi më i lartë për Kosovën, nga pranimi i saj në FIFA.
Franca mori vendin e parë pas fitores 3-1 ndaj Kolumbisë në miqësore. Spanja zbriti në vendin e dytë pas barazimit 0-0 me Egjiptin. Argjentina mban vendin e tretë, e ndjekur nga Anglia, Portugalia dhe Brazili.
Italia u ngjit në vendin e 12, pavarësisht eliminimit nga Bosnja në “play-off”.
