Bylis triumfoi 2-1 ndaj Vorës, në ndeshjen hapëse të javës së nëntë në Superiore.
Ballshiotët, morën një fitore heroike, ndonëse nga minuta e 18-të luajtën me 10 lojtarë, pas ndëshkimit me të kuq të Abazajt.
Edhe pse në inferioritet numerik, vendasit ia dolën të gjejnë avantazhin me Walison në minutën e 22-të.
Pjesa e parë u mbyll me këtë rezultat, ndërsa në të dytën Vora barazoi me Karricën. Sulmuesi shënoi një minutën e 57-të, pas një krosimi të marrë në zonë.
Në minutën e 77-të, ballshiotët gjetën avantazhin sërish. Një gjuajtje e fortë nga Songo, u përplas në tranversë dhe më pas në trupin e Ruçit, duke shkuar në rrjetë.
Ky autogol i portierit, i dha avantazhin dhe fitoren skuadrës së Mirel Josës. Me këtë sukses, Bylis ngjitet në vendin e shtatë me nëntë pikë, ndërsa Vora me një pikë më shumë mban vendin e gjashtë.
