Armando Broja nuk e ka nisur aventurën ashtu siç do të dëshironte te Burnley.
Sulmuesi i Kombëtares u largua në verë nga Chelsea për të kaluar te skuadra tjetër e Premier League.
Pas pesë javëve kampionat, Broja numëron vetëm një ndeshje aktivizim në kampionat, atë ndaj Liverpool, ku hyri në fushë në minutën e 86-të.
LEXO EDHE: “Varroset” futbolli! Bashkia shemb stadiumin, nuk mjaftoi shkrirja e ekipit
Në ndeshjen ndaj Nottingham, shqiptari qëndroi të gjithë takimin në stol, duke mos luajtur asnjë minutë.
Mesa duket, Broja përveç se nuk është zgjedhje e parë, te Burnley nuk e shikojnë as si zgjedhje të dytë.
Megjithatë, vetë lojtari e kishte në dorë situatën në verë. Për të, interesimet ishin të shumta, nga kampionate të ndryshme.
LEXO EDHE: Katër javë kampionat në Shqipëri, trajneri jep dorëheqjen
Analistë të shumtë, përmendin Bundesligën si kampionati ideal për Brojën. Në verë, 24-vjeçari ishte një objektiv i Leipzig dhe Stuttgart, por zgjodhi të mos largohej nga Anglia.
Kjo zgjedhje po rezulton një gafë nga shqiptari, i cili në Gjermani padyshim që do të kishte më shumë hapërisa dhe mund të rikthehej te golat, për shkak të lojës që zhvillohet atje.
Pavarësisht situatës, të gjithë tifozët shqiptarë, shpresojnë që Broja të fitojë minuta dhe të kthehet vendimtar për Burnleyn.
