Presidenti i Vllaznisë, Alban Xhaferi ka mbledhur sot stafin e ekipit të parë, akademisë dhe tifozët për të diskutuar atë se çfarë ndodhi në ndeshjen mes Elbasanit dhe Vllaznisë.
Sipas numrit “një” të klubit shkodran, askush nuk mund të tallet me Vllazninë dhe se Shkodra ka luftuar kundër sistemeve dhe pushtuesit dhe se mbetet shumë më e madhe nga sa mund ta imagjinojnë shumë njerëz.
“Ne jemi Vllaznia. Ne nuk jemi dele. Askush nuk mund të tallet me Vllazninë. Nuk ka shanse të tallet me Vllazninë, me Shkodrën, me qytetin. Shkodra ka luftuar me pushtues, Shkodra është shumë më e madhe nga çfarë njerëzit mund ta imagjinojnë.
Edhe ata, përfaqësues të federatës që punojnë në federatë, dalin dhe nëpër media dhe bëjnë edhe analistin. Vetëm në Shqipëri ndodh. Po na vjen në federatë, po na vjen dhe për ndeshjen si delegat dhe në darkë e ke duke bërë analizën e të njëjtës ndeshje. Unë se kuptoj, s’ka mbetur më figura sportive.”, është shprehur Xhaferi.
