“Vetëm Sport24” ka siguruar pamjet ekskluzive nga momenti kur presidenti i Vllaznisë, Alban Xhaferi godet me grusht arbitrin pas duelit me Elbasanin.
Këto pamje, hedhin poshtë pretendimet e Xhaferit, që një ditë më parë deklaroi se nuk ka fakte për dhunën e tij ndaj arbitrit.
LEXO EDHE: Goditi me grusht arbitrin, Xhaferi i frikësohet dënimit: Nuk jemi dele
Gjithçka ndodhi pas përfundimit të ndeshjes Elbasani-Vllaznia në stadiumin “Elbasan Arena”. Shkodranëve iu anuluan dy gola në shtesë, për pozicion jashtë loje.
I irrituar nga kjo situatë, Alban Xhaferi zbriti në fushë dhe nuk i kontrolloi nervat. Kreu i shkodranëve, goditi asistentin Ergys Spahiu, ndërsa më pas u ndal nga forcat e sigurisë dhe anëtarët e stafit shkodran.
LEXO EDHE: VIDEO/ Alban Xhaferi nuk përmbahet, dalin pamjet e sherrit me arbitrat
Si pasojë, Federata Shqiptare ka nisur hetimet, ku Xhaferi rrezikon dënim të rëndë. Pas këtij indicenti, Xhaferi ka bërë disa reagime, duke dalë hapur kundër FSHF-së dhe arbitrave. Madje, këtë të hënë organizoi një mbledhje me stafin e ekipit të parë, Akademisë dhe tifozëve.
LEXO EDHE: Përjashtim nga kampionati? Vllaznia rrezikon shumë
SHËNIM: Materiali është ekskluziv i “Vetëm Sport24”. Ndalohet rreptësishtë kopjimi dhe publikimi, pa cituar burimin.
