Komisioni i Disiplinës pranë Federatës Shqiptare të Futbollit ka marrë masa drastike ndaj futbollistit të Vllaznisë, Erdenis Gurishta, pas një incidenti të regjistruar në minutat e fundit të ndeshjes kundër Egnatias.
Mbrojtësi shkodran është pezulluar me gjashtë ndeshje larg aktiviteteve sportive, për shkak të një goditjeje me grusht ndaj mesfushorit kundërshtar Albano Aleksi.
Krahas sanksioneve ndaj futbollistit, organet disiplinore kanë gjobitur edhe klubin e Vllaznisë me një gjobë financiare prej 100 mijë lekësh (1 milion lekë të vjetra).
Ky dënim ndaj klubit erdhi si pasojë e sjelljes së gabuar të tifozërisë në tribunë, e cila hodhi sende të ndryshme në fushën e lojës dhe përdori kore fyese ndaj lojtarëve të skuadrës rrogozhinase.
