Skënderbeu ka triumfuar minimalisht ndaj Laçit, në supersfidën e javës së pestë në Kategorinë e Parë.
Korçarët iu falën një goli të shënuar nga Renato Gjini, në minutën e 78-të, për të marrë tre pikë të arta.
10 minuta më herët, kurbinasit mbetën me 10 lojtarë, pasi Mjaki u ndëshkua me karton të kuq.
Me këtë fitore, Skënderbeu shkëputet në krye të renditjes me 13 pikë, ndërsa Laçi mbetet i dyti me nëntë pikë të grumbulluara në pesë javë.
/Cna
