Shqipëria do të zhvillojë në tetor dy ndeshje, ndaj Serbisë në kualifikueset e Botërorit dhe një miqësore kundër Jordanisë në Tiranë.
Ndryshe nga shtatori, kuqezinjtë pritet të jenë më të plotë, pasi shumica e lojtarëve janë aktivë dhe në formë të mirë. Disa futbollistë si Anis Mehmeti te Bristol City dhe Taulant Seferi në Turqi po kalojnë momente pozitive, duke rritur konkurrencën në repartin ofensiv.
Për Mehmetin, rikthimi te Kombëtarja mbetet një mundësi reale, pasi ai ka shënuar rregullisht në Championship. Edhe Seferi ka qenë produktiv në javët e fundit, ndonëse nuk ka qenë pjesë e zgjedhjeve të fundit të trajnerit Silvinjo.
Statistikat tregojnë se problemi kryesor i Shqipërisë në eliminatore ka qenë mungesa e golit, për shkak të numrit të ulët të goditjeve në portë. Objektivi kryesor i kuqezinjve është sigurimi i vendit të dytë në grup, që do t’i jepte mundësinë për të luajtur në “Play Off”. Për këtë, duhen fitore të detyrueshme ndaj Serbisë dhe Andorrës.
/Cna
