Mesfushori i Bayern Munich, Jamal Musiala, ka shkaktuar panik të madh pas një tjetër incidenti në fushën e lojës.
23-vjeçari u rrëzua në fushë gjatë ndeshjes kundër Heidenheim dhe u detyrua të largohej para kohe. Trajneri Vincent Kompany e aktivizoi lojtarin në minutën e 61-të në vend të Ismael Saibari.
Vetëm gjashtë minuta më vonë, Musiala u shtri në tokë në mesfushë duke kërkuar ndihmë mjekësore. Futbollistët e të dyja ekipeve krijuan menjëherë një rreth mbrojtës rreth tij, ndërsa mjekët ndërhynë me shpejtësi.
Pas marrjes së ndihmës së shpejtë, lojtari u ngrit në këmbë dhe u shoqërua drejt dhomave të zhveshjes mes duartrokitjeve të tifozëve.
Ky është incidenti i dytë radhazi, pasi mesfushori u rrëzua gjithashtu në miqësoren ndaj Leipzig ku humbi ndjenjat.
/tvklan.al
