Aleksandër Bogdani, djali i ish-sulmuesit të njohur të Kombëtares shqiptare, Erjon Bogdani, është grumbulluar nga Italia U-15 për ndeshjet e radhës.
Ky do të jetë debutimi i tij me fanellën e “axurrëve”. Aleksandri ka lindur më 23 qershor 2011, pas martesës së Erjonit me juristen italiane Rosella Ariodante. Ai po ndjek hapat e të atit, i cili mban rekordin si golashënuesi më i mirë në historinë e Kombëtares shqiptare.
Erjon Bogdani u tërhoq nga futbolli aktiv në vitin 2013, me një bilanc prej 18 golash të shënuar për Shqipërinë, rekord që mbetet ende i pathyer. Rei Manaj, aktualisht pjesë e kuqezinjve, numëron 11 gola me Kombëtaren.
Ndryshe nga i ati që nisi karrierën te Partizani, Aleksandri është formuar në akademitë italiane. Italia është gjithashtu vendi ku Erjon Bogdani luajti për më shumë se një dekadë në nivelet më të larta të futbollit.
