Interi e nisi me fitore të thellë sezonin e ri në Serie A, duke mposhtur Torinon 5-0 në debutimin e Cristian Chivut si trajner.
Golin e parë e shënoi Alessandro Bastoni në minutën e 18-të pas një goditjeje këndi. Marcus Thuram dyfishoi rezultatin në pjesën e parë, duke përfituar nga një gabim i mbrojtjes. Menjëherë pas pushimit, Lautaro Martínez shënoi golin e tretë pas një pasimi të gabuar të miqve në prapavijë.
Thuram realizoi edhe golin e katërt, këtë herë me kokë, pas një krosimi të Bastonit. Në fund, Ange-Yoan Bonny vulosi rezultatin 5-0, pas një aksioni të nisur nga Lautaro.
Ky ishte suksesi më i madh i Interit ndaj Torinos që nga sezoni 1958/59. Fitorja e çon Interin në krye të tabelës pas javës së parë.
/Cna
