Pogradeci ka gjetur trajnerin e ri pas largimit të Ardian Memës.
Emiljano Çela do të marrë drejtimin e skuadrës liqenore, me objektivin për ta ngjitur në Kategorinë Superiore.
Ai pritet të nisë punën menjëherë, së bashku me ndihmësin e tij, Bekim Kulin. Dyshja ka qenë më parë në krye të Besës, por u largua pas dy barazimeve në fillim të sezonit.
Emërimi i Çelës sjell gjithashtu përfitim financiar për klubin kavajas, që ndërpret pagesat për ish-trajnerin.
40-vjeçari ka një karrierë të pasur në pankinë, duke drejtuar më parë ekipe si Kastrioti, Flamurtari, Kukësi dhe Besa. Drejtuesit e Pogradecit presin që përvoja e tij të ndihmojë në përmbushjen e objektivave sezonalë.
