Juventusi ka arritur një akord me Fenerbahçen për transferimin e sulmuesit maroken, Youssef En-Nesyri.
Marrëveshja e arritur në Stamboll parashikon një huazim të paguar prej 5 milionë eurosh, me të drejtë blerjeje për 19 milionë euro plus 3 milionë të tjera në formë bonusesh.
Drejtuesit bardhezi i kanë ofruar lojtarit një kontratë me pagë 5 milionë euro në sezon dhe aktualisht janë në pritje të përgjigjes përfundimtare të tij.
Sulmuesi maroken ka kërkuar kohë për të shqyrtuar edhe oferta të tjera, ndonëse palët raportohen të jenë optimiste. Kjo lëvizje e Juventusit erdhi pas vështirësive për të arritur te Jean-Philippe Mateta i Crystal Palace.
Klubi anglez refuzoi propozimin e italianëve, i cili kushtëzohej nga kualifikimi në Champions League. Në këto kushte, En-Nesyri mbetet objektivi kryesor për fazën ofensive të ekipit të drejtuar nga Luciano Spalletti.
