Hellas Verona ndali ecurinë perfekte të Juventusit në Serie A, duke barazuar 1-1 në stadiumin “Marc’Antonio Bentegodi”.
Juventusi, që vinte nga fitorja spektakolare 4-3 ndaj Interit, kaloi i pari në avantazh me Francisco Conceicao në minutën e 19-të. Verona reagoi dhe në fund të pjesës së parë barazoi me penallti të Orban.
Në pjesën e dytë, Vlahovic pati një mundësi të artë për Juventusin, por Montipi reagoi mirë dhe shmangu golin. Verona arriti të shënojë me Serdar, por goli u anulua për pozicion jashtë loje pas një tjetër rishikimi në VAR.
Ndeshja përfundoi në barazim, duke lënë Veronën pa fitore në katër javë, por jashtë zonës së ftohtë. Nga ana tjetër, Juventusi mbetet në krye të renditjes me një pikë më shumë se ndjekësit.
