Kleandro Lleshi njoftoi dje largimin nga Tirana. 26-vjeçari ndërkohë ka vendosur të zbulojë sot detaje, nga prishja e kontratës me bardheblutë.
“Sqarim: Për etikë profesionale kisha vendosur mos prononcohesha për ndërprerjen e kontratës me KF Tirana, por duke qenë se disa media po abuzojnë e ndjej t’u sqaroj:
Jam unë që kam ndërprerë kontratën, për shkak të mosrespektimit të kushteve të kontratës nga ana e KF Tiranës. Kam ndjekur të gjitha procedurat siç parashikon ligji në të tilla raste. Faleminderit për mirëkuptimin”, shkruan Lleshi.
26-vjeçari ka shtuar një telash për Tiranën. Kjo pasi kujtojmë se deri tani rezulton një nga pesë lojtarët e vetëm me mbi 2000 minuta gjatë sezonit.
