Përfaqësuesja e Kosovës ndodhet përpara ndeshjes më rëndësishme të historisë së saj, ku nesër në stadiumin “Fadil Vokrri” do të luajë finalen e madhe kundër Turqisë.
Interesi për këtë sfidë që vlen pjesëmarrjen në Botëror ka arritur kulmin, duke qenë se të dyja ekipet kërkojnë rikthimin apo debutimin në këtë kompeticion pas shumë vitesh. Megjithatë, pragndeshja është shoqëruar me akuza të rënda lidhur me shitblerjen e biletave në tregun e zi.
Arbitri kosovar, Lirim Jashari, ka shpërthyer në rrjetet sociale duke i cilësuar “tradhtarë” tifozët që po ua shesin biletat mbështetësve turq për përfitime financiare. Përmes një postimi në “Instagram”, ai theksoi se shumë familjarë të dëshmorëve dhe njerëz që kanë kontribuar për futbollin kanë mbetur jashtë stadiumit. Jashari përdori një gjuhë të ashpër, duke mallkuar ata që po bëjnë biznes me biletat e kësaj finaleje historike.
“Për të gjithë ju që keni blerë bileta të ndeshjes, për të bërë biznes dhe për t’ju shitur bileta kundërshatrëve, ishallah ju nxën gjaku i dëshmorëve dhe haram ju qoftë.
Shumë djemë të dëshmorëve, invalidëve, veteranëve, burgosurve politik, të zhdukur nga lufta, njerëz që kanë dhënë shumë për futbollin e Kosovës, kanë mbetur pa bileta, ndërsa tradhtarët bëjnë biznes. Forca Kosovë. Për ju tradhtarë: R*obt ku t’i keni”, shkruan arbitri Jashari.
