Mbrojtësi Egzon Belica është zyrtarizuar si lojtari më i ri i skuadrës së Rabotniçkit, duke u rikthyer te klubi shkupjan pas largimit nga Shkëndija e Tetovës.
35-vjeçari ndërpreu bashkëpunimin me kuqezinjtë këtë muaj, pasi kërkonte më tepër hapësira aktivizimi në formacion. Gjatë këtij sezoni me Shkëndijën, Belica regjistroi gjashtë paraqitje dhe arriti të shënonte një gol në kampionat.
Ai ishte pjesë e skuadrës tetovare edhe gjatë rrugëtimit në grupet e Ligës së Konferencës, ndonëse nuk u aktivizua në minuta loje. Për mbrojtësin strugan, ky është një rikthim në mjedisin ku ka shërbyer më parë edhe si kapiten.
Belica gëzon një përvojë të gjatë edhe në kampionatin shqiptar, ku ka luajtur 178 ndeshje me ekipin e Partizanit. Gjatë qëndrimit te të kuqtë, ai fitoi titullin kampion në vitin 2019 dhe mbajti shiritin e kapitenit.
![asat mala]](https://vetemsport.com/wp-content/uploads/2026/06/asat-mala-768x508.png)
