Skënderbeu u mposht 1-0 nga Struga, në ndeshjen e parë miqësore të fazës përgatitore.
Takimi u zhvillua në aneksin e stadiumit “Skënderbeu” në Korçë, duke shënuar edhe debutimin e disa lojtarëve të rinj e trajnerit Julian Ahmataj.
Ky ishte hapi i parë në serinë e ndeshjeve miqësore që klubi ka programuar për këtë periudhë verore.
Stafi teknik do të ketë mundësinë të provojë gjendjen e skuadrës edhe në përballje të tjera të rëndësishme.
Sfida e radhës e konfirmuar do të jetë ajo e 26 korrikut kundër Partizanit. Më pas, juglindorët do të masin forcat edhe në dy testime të tjera përballë Besës së Kavajës dhe Pogradecit.
/CNA
