Ish-futbollisti, Tefik Osmani ka zbuluar një premio të majme në të kaluarën në Kombëtare.
Më 26 mars 2005, Shqipëria luante në transfertë ndaj Turqisë, në kualifikuese.
Osmani zbulon se asokohe, kryeministri Fatos Nano, kishte shkuar në Turqi dhe u premtoi lojtarëve premio 500 mijë dollarë, në rast fitoreje.
“Unë mbaj mend atëherë, në Turqi na ka ardhur kryeministri Fatos Nano. Na premtoi premio 500 mijë dollarë, nëse fitonim. E kam bërë llogarinë atëherë, se isha çun i ri në stol”, tha Osmani.
Megjithatë, lojtarët nuk e përfituan dot këtë premio, sepse ndeshja u mbyll 2-0 për Turqinë.
