Hapet thesi, premio 100 mijë euro te klubi i Superiores

Klubi i Superiores, Egnatia ka marrë një shtysë të fuqishme financiare dhe morale përpara sfidës së radhës.

Presidenti i skuadrës rrogozhinase, Agim Demrozi, ka vendosur një premio për lojtarët me një shifër marramendëse për ndeshjen e Conference League ndaj Universitatea Craiovës.

Skuadra do të përfitojë plot 100 mijë euro nëse arrin të marrë një fitore historike në tokën rumune.

Ndërkohë, edhe një barazim në këtë transfertë të vështirë do të shpërblehet me një premio prej 30 mijë eurosh për grupin.

Ky gjest vjen si një konfirmim i mbështetjes së madhe nga ana e drejtuesve për të arritur rezultate sa më të larta në Europë.

Egnatia udhëton drejt Rumanisë me objektivin e qartë për të marrë pikë dhe për të regjistruar një tjetër sukses të madh ndërkombëtar. Tifozët dhe stafi teknik shpresojnë që ky entuziazëm të përkthehet në një paraqitje fantastike gjatë 90 minutave të ardhshme. Takimi do të zhvillohet në stadiumin “Ion Oblemenco”, në orën 21:00.

Burimi: Vetem Sport24