Largohet Duro, skuadra shqiptare zgjedh trajnerin e ri

Liria e Prizrenit ka njoftuar këtë të mërkurë largimin e trajnerit Klodian Duro. Në 8 javë të Ligës së Parë të Kosovës, ekipi nën drejtimin e tij grumbulloi 12 pikë, me 3 fitore, 3 barazime dhe 2 humbje.

Klubi bëri me dije se arsyeja e ndarjes ishte personale. Menjëherë pas këtij vendimi, kanë nisur spekulimet për emrin e trajnerit të ri. Sipas raportimeve nga mediat kosovare, Liridon Leci është kandidati kryesor.

Ai ka përvojë në drejtimin e ekipeve, megjithëse nuk ka pasur eksperienca me klube të mëdha. Aktualisht nuk ka një zyrtarizim, por palët duket se janë pranë marrëveshjes. Në ditët në vijim pritet konfirmimi zyrtar nga klubi.