Taulant Seferi po zhvillon një fillim të mirë sezoni me Bodrumspor në kategorinë e dytë turke.
Sulmuesi i Kombëtares shqiptare ka arritur të shënojë rregullisht, duke ndihmuar ekipin të qëndrojë në zonën e ngjitjes. Në ndeshjen ndaj Vanspor, ai realizoi golin e katërt të sezonit.
Pas një goditjeje nga këndi në minutën e 21-të, Seferi gjuajti saktë me kokë dhe i dha avantazhin skuadrës së tij. Ky është goli i katërt në 6 ndeshje për të, duke e renditur mes golashënuesve kryesorë të kampionatit.
Në krye të listës ndodhet Florent Hasani, i cili ka shënuar 6 gola deri tani. Të dy lojtarët njihen mirë edhe nga kampionati shqiptar, pasi kanë qenë pjesë e Superiores.
