Qendërmbrojtësi Randy Dwumfour ka konfirmuar se do të jetë lojtari më i ri i skuadrës së Vllaznisë.
25-vjeçari nga Gana zgjodhi rrjetet e tij sociale për të bërë të ditur këtë lëvizje të merkatos së verës. Pavarësisht postimit të futbollistit, klubi shkodran ende nuk ka dalë me një njoftim zyrtar për prezantimin e tij.
Gjatë edicionit të kaluar, lojtari ishte një nga pikat kyçe të Skënderbeut, duke ndihmuar skuadrën korçare të siguronte ngjitjen në Superiore.
Sipas vlerësimeve të faqes së specializuar “Transfermarkt”, vlera e mbrojtësit në treg arrin shifrën e 200 mijë eurove.
Tashmë pritet vetëm komunikata zyrtare e kuqebluve për të zyrtarizuar plotësisht këtë afrim në mbrojtje.
